काही खाजगी कामानिमित्त तालुक्याच्या ठिकाणी आलेला इसम भाजीपाला खरेदी करून मालकी दुचाकीने स्वगावी परत जात असताना दुचाकीवर वानर कुदल्याने दुचाकी चालक इसम गंभीररित्या जखमी झाल्याची घटना घडली.ही घटना भंडारा जिल्ह्याच्या लाखांदूर तालुक्यातील असोला ते परसोडी मार्गावर घडली.मिलींद विठोबा चौधरी (५४) रा पाहुणगाव असे जखमी ईसमाचे नाव आहे.जखमी मिलिंद चौधरी सकाळच्या सुमारास तालुक्याच्या ठिकाणी लाखांदूर येथे काही खाजगी कामकाजासाठी आले होते.आपले खाजगी कामकाज आटोपून लाखांदूर येथून भाजीपाला खरेदी करून मालकी दुचाकीने स्वगावी पाहूनगाव येथे जात असतांना ही घटना घडली.
