वाघाच्या हल्ल्यात दुचाकीस्वार गंभीर जखमी….किटाळी येथील घटना..
भंडारा जिल्ह्याच्या लाखनी तालुक्यातील पिंपळगाव येथील शंकरपट पाहून रात्रीच्या सुमारास दुचाकीने घराकडे जात असताना वाटेतच दबा धरून बसलेल्या वाघाने दुचाकीवर झडप घातली.या घटनेत दुचाकी चालकासह मागे बसलेली व्यक्ती गंभीररित्या जखमी झाली.रक्तबंबाळ झालेल्या दोघांना रुग्णालयात दाखल करण्यात आले. ही घटना किटाळी जंगल मार्गावर घडली.भंडारा जिल्ह्याच्या लाखनी तालुक्यातील पिंपळगाव येथे सुरू असलेला शंकर पट पाहण्यासाठी मनोज मेश्राम आणि माधव वलके (रा. गिरोला जापानी,ता.साकोली) हे दोघेही आलेले होते.पट संपल्यानंतर दोघेही किटाळी मार्गे गावाकडे परत जाण्यास निघाले.रात्रीच्या दरम्यान किटाळी जंगल मार्गावर पोहचल्यावर रस्त्याच्या कडेला दबा धरून बसलेल्या वाघाने त्यांच्या दुचाकीवर हल्ला केला.दोघेही दुचाकीवरून खाली पडले.आरडाओरड करताच वाघाने जंगलाच्या दिशेने पळ काढला. मात्र वाघाच्या हल्यात दुचाकीचालक जखमी झाले असून त्यांच्यावर रुग्णालयात उपचार सुरू आहेत.
